Cwrdd â'ch micro:bit

Cam 1: Gwneud

Beth yw e?

Dechreuwch ddarganfod rhai o'r pethau y gall y BBC micro:bit eu gwneud gyda'r ymchwiliad rhyngweithiol hwn.

Mae'r ddau fideo hyn yn dangos i chi beth mae'n ei wneud a sut i'w godio:

Sut mae'n gweithio

Gallwch ddefnyddio'r prosiect hwn fel gweithgaredd archwilio rhagarweiniol i unrhyw un sy'n newydd i'r micro:bit.

Copïwch y cod ar rai micro:bits, a dechreuwch ymchwilio i'r hyn y mae'n ei wneud. Pa ddigwyddiadau sy'n gwneud i'r micro:bit ymateb? Pa fewnbynnau ac allbynnau y mae'n eu defnyddio? Pa gysyniadau rhaglennu allai fod yn gwneud iddo weithio?

Yna archwiliwch y cod i weld sut mae cyfarwyddiadau mewn blociau cod yn dweud wrth y micro:bit beth i'w wneud:

• Mae cyfarwyddiadau yn y bloc ‘ar gychwyn’ yn rhedeg unwaith yn unig, pan fydd y micro:bit yn cael ei ailosod neu ei droi ymlaen. Mae'r bloc 'dangos eicon' yn dangos wyneb hapus ar yr allbwn sgrîn LED.
• Mae digwyddiadau yn gwneud i bethau gwahanol ddigwydd pan fyddwch chi'n pwyso gwahanol fotymau mewnbwn. Mae'r bloc 'ar fotwm A wedi'i bwyso' yn cael ei sbarduno pan fyddwch chi'n pwyso'r botwm A. Yna mae eich micro:bit yn dangos sgwâr yn chwyddo i mewn yn gyflym, yna'n chwyddo allan yn arafach.
• Gwneir yr animeiddiad trwy ddangos gwahanol ddelweddau mewn dilyniant. Mae seibio am gyfnodau byrrach a hirach yn rheoli cyflymder yr animeiddiad.
• Mae pwyso'r botwm B yn dangos sut y gall y micro:bit sgrolio testun ar yr allbwn arddangos LED gan ddefnyddio'r bloc 'dangos llinyn'. 'Llinynnau' yw'r enw a roddir i gasgliadau o lythyrau a symbolau sy'n cael eu storio mewn cyfrifiadur.
• Pwyswch y botymau A a B gyda'i gilydd i ddatgelu pos. Byddwch yn gweld naill ai haul neu leuad. Allwch chi ddarganfod beth sy'n pennu pa lun sy'n cael ei ddangos?
• Mae'n dibynnu faint o olau sy'n disgyn ar eich micro:bit. Gall allbwn LED y micro:bit hefyd weithio fel mewnbwn, synhwyrydd golau.
• Mae'r cod yn defnyddio datganiad 'if... then... else'. Gelwir hyn yn ddewis, neu'n ddatganiad amodol. Mae'n profi a yw lefel y golau yn is na 50. Os ydi hi, wedyn byddai'n dangos lleuad. Fel arall, byddai'n dangos haul.
• Mae'r bloc 'ar ysgwyd' yn ymateb i wybodaeth o fewnbwnsynhwyrydd mesurydd cyflymu y micro:bit. Pan fyddwch chi'n ysgwyd eich micro:bit, mae'n dangos wyneb sy'n synnu am eiliad.
• Os oes gennych chi micro:bit V2 neu os ydych chi'n cysylltu clustffonau neu seinydd â'ch micro:bit, byddwch chi hefyd yn clywed synau gwahanol pan fydd pob digwyddiad mewnbwn gwahanol yn digwydd.

Beth sydd ei angen arnoch

• O leiaf un micro:bit ar gyfer pob 2-3 o bobl
• Pecynnau batri (opsiynol)
• Clustffonau a cheblau chlip crocodeil i glywed sain ar micro:bit V1 (dewisol)
• Taflen waith Cwrdd â'ch micro:bit (dewisol)

Efallai y bydd ein canllaw Trosglwyddo i'r micro:bit hefyd yn ddefnyddiol i ddysgu mwy am sut i drosglwyddo cod o'r golygydd i micro:bit.

Cam 2: Codio

1# Imports go at the top
2from microbit import *
3import music
4
5
6display.show(Image.HAPPY)
7
8while True:
9    sleep(300)
10    if button_a.is_pressed() and button_b.is_pressed():
11        if display.read_light_level() < 50:
12            music.play(music.POWER_DOWN, wait=False)
13            display.show(Image('00990:'
14                               '00099:'
15                               '00099:'
16                               '00099:'
17                               '00990'))
18        else:
19            music.play(music.POWER_UP, wait=False)
20            display.show(Image('90909:'
21                               '09990:'
22                               '99999:'
23                               '09990:'
24                               '90909'))
25    elif button_b.is_pressed():
26        music.play(music.BA_DING, wait=False)
27        display.clear()
28        sleep(100)
29        display.scroll('Hello!')
30    elif button_a.is_pressed():
31        music.play(music.PRELUDE, wait=False)
32        for i in range(2):
33            display.show(Image('00000:'
34                               '00000:'
35                               '00900:'
36                               '00000:'
37                               '00000'))
38            sleep(100)
39            display.show(Image('00000:'
40                               '09990:'
41                               '09990:'
42                               '09990:'
43                               '00000'))
44            sleep(100)
45            display.show(Image('99999:'
46                               '99999:'
47                               '99999:'
48                               '99999:'
49                               '99999'))
50            sleep(1000)
51            display.show(Image('00000:'
52                               '09990:'
53                               '09990:'
54                               '09990:'
55                               '00000'))
56            sleep(1000)
57            display.show(Image('00000:'
58                               '00000:'
59                               '00900:'
60                               '00000:'
61                               '00000'))
62            sleep(1000)
63    elif accelerometer.is_gesture('shake'):
64        music.play(music.JUMP_UP, wait=False)
65        display.show(Image.SURPRISED)
66    
67

Cam 3: Gwella

• Addaswch y cod i wneud eich prosiect 'Cwrdd â'ch micro:bit' eich hun gyda lluniau, animeiddiadau a synau gwahanol.
• Ychwanegu mewnbynnau ychwanegol: allwch chi wneud i'ch micro:bit ymateb i ystumiau heblaw am 'ysgwyd'? Ymateb i bwyso pinnau? Neu, os oes gennych y micro:bit V2 gyda seinydd integredig,ymateb i synau uchel neu gyffwrdd â'r logo?