Gêm ymateb

Cam 1: Gwneud

Beth yw e?

Gwneud gêm ymateb gyda switshis corfforol go iawn y gallwch eu bwrw mor galed ag yr hoffech!

Sut mae'n gweithio

• Gwneud dau switsh mewnbwn corfforol gan ddefnyddio cardfwrdd a ffoil tun – yn debyg i'r rhai a ddefnyddiwyd yn y Prosiect larwm switsh gwasgedd.
• Cysylltu'r switshys â phinnau'r micro:bit fel yn y llun – mae un pad ffoil tun ar bob switsh yn mynd i bin GND y micro:bit, a'r llall yn cael ei gysylltu â phin 1 neu bin 2, gan ddibynnu ar a ydych yn chwaraewr A neu chwaraewr B.
• Mae'r rhaglen yn aros am amser ar hap rhwng 1 a 5 eiliad, ac wedyn bydd yn dangos calon ar allbwn y dangosydd LED.
• Ni allwch wasgu'ch botwm cyn iddo oleuo gan ei fod yn defnyddio rhesymeg Booleaidd i atal unrhyw un rhag twyllo! Dau werth yn unig y gall fod gan newidynnau Booleaidd: Gwir neu Gau. Mae'r newidyn cychwynnwyd y gêm yn atal y naill chwaraewr neu'r llall rhag gwasgu eu botwm yn rhy gynnar drwy wirio pa fotwm sydd wedi'i wasgu tra bod y gêm wedi dechrau.
• Mae dolen ddiderfyn yn sicrhau bod y gêm yn parhau i redeg er mwyn i chi barhau i chwarae.

Beth sydd ei angen arnoch

• 1 micro:bit
• 4 cebl clip crocodeil
• Ychydig o gardfwrdd sgrap, ffoil tun, glud a siswrn

Cam 2: Codio

1from microbit import *
2import random
3
4while True:
5    gameStarted = False
6    sleep(random.randint(1000, 5000))
7    gameStarted = True
8    display.show(Image.HEART)
9    while gameStarted:
10        if pin1.is_touched():
11            display.show('A')
12            gameStarted = False
13        elif pin2.is_touched():
14            display.show('B')
15            gameStarted = False
16    sleep(3000)
17    display.clear()
18

Cam 3: Gwella

• Defnyddio newidynnau i gadw llygad ar sgôr pob chwaraewr
• Ychwanegu amserydd i ddangos pa mor gyflym oedd ymateb pob enillydd
• Olrhain pa chwaraewr sydd â'r amser ymateb cyflymaf